Тэхналогіі
Прадпрыемства было задумана і пабудавана па тэхналагічнай схеме паліўнага варыянту нафтаперапрацоўчага завода. Асноўны комплекс тэхналагічных установак пабудаваны ў 70-я гады, затым рэканструяваны і набліжаны да адпаведных стандартаў тэхналагічных працэсаў. Галоўнымі распрацоўшчыкамі праектаў будаўніцтва і рэканструкцыі тэхналагічных установак былі такія буйныя праектныя і канструктарска-тэхналагічныя арганізацыі як ЛЕНГІПРОНАФТАХІМ, УНДІ НП, НДІПІНАФТА, UOP, KOCH GLITSCH.
Тэхналагічная структура аб'яднання ўключае ўстаноўкі:
першаснай перапрацоўкі нафты (АВТ-1, АВТ-2, АВТ-6, АТ-3, АТ-8);
гідраачысткі дызельнага паліва і керасіну (Л-24/6, Л-24/7, ЛЧ-24/7, Л-24-9х2);
каталітычнага рыформінгу (Л-35-11/300, Л-35-11/600, Л-35/6, ЛЧ-35-11/600, ЛГ-35-8/300Б);
параксілол, UOP PAREX, этылбензол, сумарныя ксілолы, ортаксілол, псеўдакумол;
селектыўнай ачысткі масел (А-37/1, А-37/3, ВТ-1);
дэпарафінізацыі масел (39/7, 39/7М);
дэасфальтызацыі гудрону (36/4);
бітумныя (19/5, 19/6);
сернай кіслаты;
прысадак да змазачных масел (алкілфенольныя, сукцынімідныя, сульфанатныя);
кагенерацыйнай газатурбіннай (КГТУ);
аўтаматычныя лініі разліву змазачных масел ў дробнай расфасоўцы для аўтамабіляў;
аўтаматычныя лініі разліву растваральнікаў для бытавых патрэб у дробнай расфасоўцы.
Акрамя таго, для прыёму і захоўвання сыравіны і нафтапрадуктаў ААТ “Нафтан” валодае развітой сістэмай рэзервуарнага парку ёмістасцю 5, 10, 20 тысяч тон, сліўна-наліўных эстакад, шырокай транспартнай сеткай, уключаючы чыгунку.
На заводзе выканана і працягвае ўдасканальвацца камп'ютэрызацыя тэхналагічных працэсаў, таварна-сыравіннай гаспадаркі, уліку спажывання энергарэсурсаў.
Ахова навакольнага асяроддзя і рацыянальнае выкарыстанне прыродных рэсурсаў з'яўляюцца адным з прыярытэтных напрамкаў гаспадарання на прадпрыемстве.
Прамысловыя і гаспадарча-бытавыя сцёкі завода праходзяць поўны цыкл глыбокай ачысткі на ачышчальных збудаваннях, якія ўключаюць блокі механічнай, фізіка-хімічнай і біялагічнай ачысткі.
У вытворчым аб'яднанні “Нафтан” выкарыстоўваецца сучасная сістэма лакальнага маніторынгу, якая забяспечвае пастаянны кантроль над скідамі ў атмасферу і адкрытыя вадаёмы, з наступным аналізам стану паветранага і воднага басейнаў.
Глыбіня ачысткі прамысловых сцёкаў завода часцяком значна пераўзыходзіць аналагічныя паказчыкі на многіх прамысловых прадпрыемствах краін Заходняй Еўропы і Амерыкі.