Вітаю вас на афіцыйным сайце ААТ «Нафтан» - найбуйнейшага нафтахімічнага комплексу, які выпускае розныя віды паліў, масла змазачныя і бітумы, араматычныя вуглевадароды і прадукты нафтахіміі.

Намаганні нашага шматтысячнага калектыву накіраваны на павышэнне канкурэнтаздольнасці вытворчасці, рост эфектыўнасці, тэхнічнага ўзроўню, надзейнасці і бяспекі вытворчасці.

ААТ «Нафтан» усведамляе адказнасць перад завадчанамі, спажыўцамі прадукцыі і насельніцтвам, якія пражываюць у рэгіёне, за захаванне спрыяльнага навакольнага асяроддзя, рацыянальнае выкарыстанне прыродных рэсурсаў, экалагічную бяспеку вытворчасці. ААТ «Нафтан» адкрыта для канструктыўнага і ўзаемавыгаднага супрацоўніцтва, рэалізацыі інавацыйных праектаў па выпуску запатрабаванай і канкурэнтаздольнай прадукцыі.

Наш нафтахімічны комплекс працягвае ўстойлівы курс на мадэрнізацыю ва ўсіх сферах сваёй дзейнасці, адказваючы сусветным тэндэнцыям, патрэбам айчынных і замежных спажыўцоў.

Рады запрасіць вас да супрацоўніцтва!

З павагай, генеральны дырэктар ААТ «Нафтан» Андрэй Васільевіч Сойка